Nga Sevija te Bajerni, ja ekipet që kërkojnë mesfushorin e pakënaqur të Juves
Emre Xhan, mesfushori i Juventusit nuk është ndër zgjedhjet e para të Sarrit te bardhezinjtë. Minutat janë të pakta për gjermanin dhe pakënaqësia e madhe.
Në një intervistë për mediat e vendit të tij, ai është shprehur se nuk është më i lumtur në Torino dhe kaq ka mjaftuar, që disa skuadra të hidhen në sulm për të.
Siç raportoN “Calciomercato”, Sevija, Betis, PSG dhe Bajerni i Mynihut janë klubet që kanë shfaqur interes për të. Pritet madje, që shumë shpejtë të ketë dhe oferta zyrtare në zyrat e Juves.
Kujtojmë që Xhan po vijon sezonin e tij të dytë në Itali te Juventusi, pasi me përpara ka qenë pjesë e Liverpulit.
Këtë sezon ai është aktivizuar ne tre ndeshje, ku gjithsej ka luajtur vetëm 78 minuta. Gjithashtu 25-vjeçari është i skualifikuar nga Sarri për ndeshjet e Ligës së Kampionëve.
/PANORAMASPORT.AL/
NDIQE LIVE "PANORAMA TV"