Napoli në krizë, Gatuzo nuk fshihet: Përgjegjësia bie mbi mua, e drejtë të ‘masakrohet’ trajneri kur…
Trajneri i Napolit, Xhenaro Gatuzo nuk fshihet kritikave për sezonin zhgënjyes që po bën skuadra e tij. Në konferencën për shtyp për ndeshjen e nesërme kundër Granadas në Ligën e Europës, 43-vjeçari pranoi se “kur gjërat nuk shkojnë në një skuadër, trajneri duhet të masakrohet me të drejtë nga kritikët”.
“Kritikat janë të merituara. Gjërat nuk po shkojnë mirë dhe përgjegjësia e madhë bie mbi mua. Unë jam trajneri dhe është e drejtë që ai duhet të masakrohet. Shpresoj që djemtë të jenë më të qetë”, u shpreh para mediave trajneri i Napolit, Xhenaro Gatuzo.
Me vendin e shtatë momentalisht në kampionat dhe me pak shanse për të kaluar në 1/8-at e Ligës së Europës, Gatuzo është vendosur nën presion të madh për sezonin jo bindës që po bën Napoli.
PANORAMASPORT.AL
NDIQE LIVE "PANORAMA TV"