Magani i tensionuar gjatë ndeshjes, zyrtarët veprojnë si kurrë më parë. Ja pikantet nga Pogradeci-Egnatia
Egnatia mori një fitore shumë të rëndësishme ditën e premte, teksa mposhti minimalisht Pogradecin në transfertë. “Panorama Sport” ju sjell më poshtë pikantet nga ndeshja:
– Gugash Magani është parë shumë i tensionuar dhe nervoz gjatë gjithë takimit. Ai ka kontestuar hapur çdo gabim të të tijve në fushën e lojës.
– Në këtë ndeshje të dy trajnerët kishin djemtë e tyre në fushën e lojës. Për Pogradecin luante Marino Abazaj dhe për Egnatian ishte Artur Magani, ndonëse e nisi nga stoli.
– Ka qenë nga të paktat ndeshje që nuk ka pasur kontestime mbi gjykimin.
– Në ndeshjen e djeshme, si kurrë më parë, zyrtarët e ndeshjes u interesuan edhe për punën e gazetarëve, duke ua bërë më komode edhe marrjen e intervistave.
– Ndërkohë që edhe në tribunë kishte një numër të caktuar shikuesish, konform rregullores në kohë pandemie.
NDIQE LIVE "PANORAMA TV"