Postuar: Nëntor 8, 2019 | 13:38
Listë me mungesa, Shaland zbulon lojtarët e grumbulluar të Kosovës për ndeshjet me Çekinë dhe Anglinë
Trajneri i Kosovës, Bernard Shaland, ka publikuar ditën e sotme, listën e lojtarëve të grumbulluar për ndeshjet kualifikuese të Europianit 2020, ndaj Çekise dhe Anglisë.
Në këtë listë bie në sy rikthimi i Besar Halimit, i cili ishte i skualifikuar për shkak kartonësh. Për shkaqe dëmtimesh nga kjo listë mungojnë Bernard Berisha dhe Mirlind Kryeziu.
Për t’u theksuar është fakti se “Dardanët” vuajnë ende mungesat e Arbër Zenelit dhe të Hekuran Kryeziut, që kanë dëmtime serioze prej muajsh.
Ndërkaq Herolind Shala edhe pse nuk mund të luajë, është grumbulluar të jetë pranë skuadrës.
/PANORAMASPORT.AL/
NDIQE LIVE "PANORAMA TV"