Liga e Konferencës/ Short i frikshëm për Partizanin, kundërshtar qipriot për Vllazninë. Laçi shkon në Rumani
Skuadrat e Superiores, kanë mësuar ditën e sotme kundërshtarët, në rast se kalojnë në turin e dytë të Ligës së Konferencës.
Në shorin e hedhur në Nion të Zvicrës, Partizani ka mësuar kundërshtarin, që është me të vërtetë shumë i vështirë. Të kuqtë do të luajnë ndaj gjigandëve të Bazelit, me këta të fundit që kanë eksperiencë të madhe në Europë, pasi për disa vite kanë luajtur edhe në Ligën e Kampioneve.
Në rast se Vllaznia kalon boshnjakët e Sirok në turin e parë, atëherë i pret një tjetër përballje e vështirë, pasi luajnë ndaj qipriotëve të AEL Limasol. Laçi gjithashtu nuk do e ketë të lehtë, pasi është vendosur përballë rumunëve të Kraiovas.
Në këtë kompeticion mund të luajë edhe Teuta, që në rast se eliminohet nga turi i parë i Ligës së Kampioneve, ku përballen me Sherifin, atëherë durrsakët do të luajnë ndaj humbësin e finales së turit paraeliminator të Ligës së Kampioneve, ku bëjnë pjesë: Folgore (SMR) / Prishtina (KOS) – Tórshavn (FRO) / Inter Klub D’Eskaldes (AND).
Shorti i plotë:
Bazel (Zvicër)) vs Sfintul George/ Partizani
AEL Limasol (Qipro) vs Siroki/ Vllaznia
Kraiova (Rumania) vs Laçi/ Podgorica
PANORAMASPORT.AL
NDIQE LIVE "PANORAMA TV"