Marash Kumbulla është një nga lojtarët më të dalluar të Veronës këtë sezon dhe këtë e tregojnë më së miri ofertat e shumta nga skuadrat italiane dhe jo vetëm në drejtim të klubit.

Qendërmbrojtësi shqiptar me shumë mundësi sezonin që vjen do të jetë në një skuadër më të madhe se Verona dhe vetë ai duket gati për hapin e madh.

Nesër Verona do të luajë ndaj Bolonjas dhe padyshim që Kumbulla do të jetë titullar. Ndërkohë në konferencë për shtyp doli trajneri, Ivan Juriç, i cili foli edhe për Kumbullën.

“Të gjithë kanë bërë hapa përpara, nga më të vjetrit deri të më të rinjtë. Marashi është një shembull, dhe një djalë shumë serioz, e i përqëndruar te puna. Duhet të vazhdojë kështu”, shprehet trajneri për lojtarin e Kombëtares.

/PANORAMASPORT.AL/

NDIQE LIVE "PANORAMA TV"

---