Konte tani ka një “xhol”, ja si ndryshon Interi me Jang
Me zbarkimin e Eshli Jang në Milano, i pari që përfiton do të jetë pa dyshim Antonio Konte.
Trajneri zikaltër do të ketë mes duarve një lojtar polivalent, perfekt për skemën e tij 3-5-2 (anglezi e ka përvetësuar pasi është aktivizuar nga Luis Van Gal te Mançester Junajtid në sezonin 2014-’15): 34-vjeçari është në gjendje të luajë në të dy krahët, por preferon korsinë e majtë; përdor shumë mirë të dyja këmbët, megjithatë është më efikas kur niset pikërisht nga e majta dhe hyn në qendrore për të goditur, edhe pse nuk e ka problem të kërkojë fundoren për të krosuar.
Në Milano do të luajë më së shumti në atë krah, ku po has vazhdimisht probleme me dëmtimet Kuaduo Azamoah dhe si alternativë e vetme mbetet Kristiano Biragi (i cili gjithashtu është vetëm në huazim nga Fiorentina dhe në fund të sezonit mund të rikthehet në bazë).
/PANORAMASPORT.AL/
NDIQE LIVE "PANORAMA TV"