“Jemi gati për ndeshjen me Flamurtarin”, flet Cungu: Ishim të gjithë të frikësuar nga tërmeti, ja çfarë iu thash lojtarëve

Panorama Sport | Gazeta me e madhe sportive ne vend

Postuar: Dhjetor 6, 2019 | 14:40

FB Kategoria Superiore Kryesore, Superiore Laci LAJMI KRYESOR Të fundit

“Jemi gati për ndeshjen me Flamurtarin”, flet Cungu: Ishim të gjithë të frikësuar nga tërmeti, ja çfarë iu thash lojtarëve

Laçi do të presë në shtëpi Falmurtarin ditën e diel, në një ndeshje ku kurbinasit do të kërkojnë të marrin tre pikët.cungu lacii

Me ardhjen e Armando Cungut në drejtimin e ekipit, bardhezinjtë kanë pësuar një rritje të ndeshje në lojë dhe në rezultate duke u futur kështu në garë për titullin kampion. Pikërisht Cungu ka dhënë një intervistë për “Supersport”, ku është shprehur se ekipi është gati për ndeshjen e radhës:

“Jemi gati për Falmurtarin, dhe kemi të gatshëm edhe Fangajn i cili rikthehet pas pezullimit. Në fushë do të zbresim për të marrë më të mirën. Nuabueze ka shfaqur problem me gripin, por nesër bashkohet me grupin dhe do të jetë i gatshëm për ndeshjen e së dielës.”, theksoi fillimisht Cungu. armando cungu

Shqipëria u godit nga një tërmet i fuqishëm para pak ditësh, i cili solli viktima dhe dëme të shumta. Nuk mund të rrinte pa folur edhe për këtë temë, teksa tregoi se si e përjetoi edhe ekipi i tij këtë: “Futbollistët e mi ishin të trembur dhe të frikësuar nga ajo që ndodhi. Unë u mundova që t’i bëj ata të kuptojnë se e tillë është jeta dhe ajo vazhdon. Duhet të jemi gati për gjithçka. Shpresoj që të rregullohet gjithçka dhe në qytetet të nisin aktivitetin ashtu siç po rinis futbolli”, u shpreh Cungu.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com