Janë përjashtuar nga Kategoria e Parë, ja çfarë po bëjnë te Erzeni që të licencohen
Në miqësoren e fundit me Turbinën, një skuadër që është forcuar shumë në merkato, Erzeni bëri një paraqitje mjaft të mirë.
Jo vetëm se fitoi 2-1, me gola të Çemës dhe Himës, por edhe me nivel loje, skuadra e trajnerit Dorian Bubeqi tregoi një nivel të kënaqshëm në këtë test.
Shijakasit kanë problemin e licencimit që për momentin i lë jashtë kampionatit, por drejtuesit e klubit kanë ankimuar me bindjen se do të marrin pjesë në kampionat.
Siç ka bërë me dije gazeta, Erzeni po përpiqet të ketë gati sa më shpejt ekipet e moshave, që është një kusht i rëndësishëm për licencimin. Nga ana tjetër, skuadrat duket gati dhe sipas trajnerit Bubeqi, renditja në katërshen e parë është objektivi minimal i Erzenit.
FIQIRI SHEHU-PANORAMASPORT.AL
NDIQE LIVE "PANORAMA TV"