Gjoka: Me ardhjen time skuadra shkon më shumë para portës, nuk mendoj të penalizoj lojtarët e mi
A morët ndonjë përgjigje nga skuadra?
Futbollistët e mi, pavarësisht humbjes, dhanë maksimumin në këtë terren. Humbja na vret, dhe nuk pranohet. Vazhdojmë të gabojmë në goditje standarte.
Lojtarët shumë të ngurtë…
Mendoj se është presioni i pikëve që ndikon. Në momentin që duhet të vazhdojmë rezultatet pozitive, nuk arrijmë ta bëjmë.
Çfarë mund të ndryshoni tek këta futbollistë, që të shënoni më shumë?
Këto javët e fundit kemi shkuar shpesh në portë. Po mundohemi t’i japim besim këtyre lojtarëve që kemi.
10 minutat e fundit krijuat 5 raste. Pjesën tjetër nuk kishit kaq forcë.
Duhet të vrasim frikën. E filluam ndeshjen me një gabim tonin. U munduam të krijonim raste. Pjesën e parë e patëm të vështirë, ndërsa në të dytën krijuam. Por kjo nuk është diçka që bëhet me buton. Për momentin, kaq i kemi mundësitë.
A ka ndonjë ndryshim skuadra këto 2 muaj, pas ardhjes suaj?
Kam 1 muaj e 10 ditë këtu. Ka ndryshim, pasi kemi dalë më shumë para portës. Kështu e shoh unë. Ju mund të keni mendimin tuaj.
A është menduar që lojtarët të penalizohen pas humbjeve?
Ju mendoni se po i penalizuam do t’i çojmë në rrugë të mbarë?! Nuk mendoj se çfarë mund të penalizojmë tek lojtarët. Unë mendoj se lojtarët po japin maksimumin. Diçka e tillë nuk e ndihmon skuadrën.
NDIQE LIVE "PANORAMA TV"