Fitorja ndaj Bylisit detyrim, Kukësi me mungesa të rëndësishme. Shehi “skicon” formacionin e verilindorëve
Kukësi do të luajë me Bylisin ditën e sotme, një ndeshje ku verilindorët e drejtuar nga Orges Shehi do të kërkojnë të marrin vetëm fitoren, e cila është detyrim për ndeshjen e sotme.
Edhe në këtë ndeshje, Kukësi duhet të përballet me disa mungesa. Do të mungojë Maliqi, i cili ka plotësuar numrin e kartonëve dhe nuk mund të luajë ditën e sotme.
Gjithashtu një mungesë tjetër do të jetë edhe ajo e Obanor, i cili vuan një dëmtim të marrë në ndeshjen e parë të Kupës ndaj Apolonisë. Për krahun e majtë të mbrojtjes, do të përshtatet Ethemi, duke parë zgjedhjet e kufizuara në kampin verilindor.
Formacioni i mundshëm:
Në portë: Xhika;
Në mbrojtje: Ethemi, Teqja, Lulaj, Musta;
Në mesfushë: Musolli, Limaj, Rroca;
Në sulm: Abazaj, Shkurtaj, Gavazaj;
PANORAMASPORT.AL
NDIQE LIVE "PANORAMA TV"