Majkëll Ngo do të sakrifikojë për Tiranën. Lojtari këto ditë ka pasur shqetësime në gju, por duket se nuk do ta pengojnë të luajë nga minuta e parë në sfidën me Skënderbeun.

Lojtari do të jetë në fushë dhe nëse është e mundur, do të luajë me gjilpëra. Sulmuesi ende nuk është në formën e tij më të mirë, por ka vuajtur edhe prej dhimbjeve të gjurit. Siç dihet, Ngo është marrë këtë sezon për të bërë diferencën në fushën e lojës. Futbollisti është stërvitur normalisht gjatë ditës së djeshme.

Nga ana tjetër, Shehi punoi me ekipin të përgjysmuar. I vetmi që iu bashkua me skuadrës qe Marsel Ismajlgeci. Lojtari la pas aventurën me Shpresat dhe tani është vënë nën urdhrat e trajnerit të bardhebluve. Sot do të bashkohet me ekipin edhe Erjon Hoxhallari. Mbetet në Kosovë Visar Bekaj, i cili ka rezultuar sërish me COVID-19 dhe me shumë mundësi bëhet gati vetëm për javën e dytë të kampionatit.

OLSI AVDIAJ – PANORAMASPORT.AL

NDIQE LIVE "PANORAMA TV"

---