Ish-portieri i Gjermanisë Perëndimore dhe Borusia Dortmundit Hans Tilkovski ndërroi jetë ditën e djeshme në moshën 84-vjeçare.

Vdekja e tij hidhëroi publikun gjerman. Klubi me të cilin arriti më serioze në karrierë, Borusia Dortmundi e çmoi maksimalisht kontributin e Tilkovskit.

“Ai shkroi historinë e futbollit gjerman kur Borusia Dortmundi u bë ekipi i parë gjerman që fitoi një trofe europian kur mundi në finalen e Kupës së Kupave Liverpulin në vitin 1966. Tilkovski luajti një rol përcaktues në atë takim dhe në ndeshjet paraardhëse. Familja e Borusia Dortmundit vajton humbjen e këtij njeriu të mrekullueshëm dhe i shprehim ngushëllimet familjes së tij”, shkruhet në njoftin e klubit nga Vestfalia.

Tilkovski u i njohur në arenën ndërkombëtare në Kupën e Botës së vitit 1966 kur gjermano-perëndimorët u mundën në mënyrë kontraverse nga Angli 4-2 për shkak të “golit të dytë fantazmë” të Xheof Hërstit.

Tilkovski u shpall “Lojtari gjerman më i mirë i vitit 1965”. Ai luajti për 10 vite si portieri i Gjermanisë Perëndimore.

PANORAMASPORT.AL

NDIQE LIVE "PANORAMA TV"

---