Në vetëm pak muaj, Antonio Konte arriti ta transformojë skuadrën e Interit, duke e bërë një kandidate serioze për titullin kampion në Itali.

Por zikaltrit, edhe këtë herë po hasin vështirësi gjatë muajit janar, ku për të dytin takim radhazi lëshuan pikë rrugës, duke u ndalur në barazim dhe tashmë i shikojnë “të urryerit” e Juventusit 4 pikë përpara, ndërkohë që duhet të ruhen edhe nga pas, ku mund të parakalohen nga Lacio (bardhekaltrit kanë një ndeshje më pak).

Si të mos mjaftojë kjo situatë, në kampin zikaltër e ka shtuar edhe më shumë inatin e dashura e mesfushorit Stefano Sensi. Bukuroshja italiane i ka bërë “like” në “Instagram” një fotoje ku Ronaldo feston, së bashku me Dibalën, golin e fitores ndaj Parmës.

Ishte pikërisht ky gol që i dërgoi zikaltrit në -4 pikë në renditje. Me sa duket, zemra e Xhulia Amodios rreh për skuadrën më të titulluar italiane, Juventusin.

PANORAMASPORT.AL

NDIQE LIVE "PANORAMA TV"

---