Drejtuesi i Atalantës: Berisha titullar? Nëse e morëm ka një arsye

Panorama Sport | Lajmet e fundit nga sporti

Postuar: Shtator 2, 2016 | 16:39

Drejtuesi i Atalantës: Berisha titullar? Nëse e morëm ka një arsye

Transferimi i Etrit Berishës te Atalanta, ku nuk është larguar ende titullari i portës, Marko Sportielo, u duk si një autogol i gardianit të përfaqësueses kuqezi. Duke shkuar në një klub ku gjendej një portier i afirmuar, Berisha do të duhej të luftonte përsëri për vendin në formacion, ashtu si te Lacio.

Etrit Berisha

Por drejtuesit e klubit të qytetit të Bergamos kanë lënë të kuptohet se lëvizja e tij ka qenë e planifikuar dhe se ata e shohin Berishën seriozisht si një titullar për këtë sezon, ndonëse kanë në radhët e tyre një tjetër portier cilësor.

Xhovani Sartori, drejtori sportiv i Atalantës, duke folur për “Radio Incontro Olympia”, foli edhe rreth temës së transferimit të shqiptarit.

sartori

“Berisha si titullar? Nuk më takon mua të flas mbi atë që luan apo jo, por nëse e kemi marrë, ka një arsye”, u shpreh ai. Sipas mediave italiane, një përplasje mes Sportielos dhe trajnerit Gasperini ka bërë që ky i fundit të kërkonte një portier tjetër, me zgjedhjen e klubit që ra mbi Berishën.

NDIQE LIVE "PANORAMA TV"