Ndeshjet derbi përjetohen jashtëzakonisht shumë nga tifozët dhe ai i Milanos është ndër më të veçantit në këtë aspekt për shkak të historisë e rivalitetit që ka mes Interit dhe Milanit. Tifozeritë e dy skuadrave nuk humbin asnjëherë rast për të thumbuar njëra-tjetrën dhe përjashtim nuk është bërë as këtë radhë para fillimit të sfidës mes tyre në Serinë A.

Të parët ishin tifozët e Milanit, të cilët hapën një parullë gjigande tallëse për kundërshtarët. “Kampionët e Italisë përshëndetin kampionët e Arabisë”, shkruanin ata, duke kujtuar finalen e  Superkupës me shumë ironi,

Por nuk vonoi shumë përgjigja nga ana zikaltër e tifozerisë. “Edhe në Riad ishte prova e radhës. Djalli në gjunjë përballë gjarprit” shkruanin ata.

PANORAMASPORT.AL

NDIQE LIVE "PANORAMA TV"

---