Agjenti i Mustafit me mision në Turqi, Arsenalit i prishen bilancet
Futbollisti i Arsenalit dhe Gjermanisë Shkodran Mustafi është pranë transferimit te Gallatasarai në Turqi.
Media e njohur e futbollit turk “Fotomac” shkruan se menaxheri i 27-vjeçarit do të fluturojë së shpejti drejt Stambollit për të materializuar kontratën e re të lojtarit me origjinë shqiptare. Kampioni i botës me Gjermaninë në vitin 2014 rezulton jashtë planeve të trajnerit të ri të “Topçinjve” Mikel Arteta, i cili nuk i ka dhënë asnjë minutë në fushë qendërmbrojtësit.
Gabimet e shumta gjatë këtij sezoni bënë që Mustafi të humbiste vendin në formacionin titullar duke u aktivizuar në 10 takime (1 në kampionët dhe të tjerat në Europa Ligë dhe Carabao Cup).
Nëse Mustafi shitet te klubi i njohur turk do të shkaktojë humbje në arkën e Arsenalit pasi vlera e tij në tregun e merkatos ka zbritur poshtë shifrës së transferimit 40 milionë €.
PANORAMASPORT.AL
NDIQE LIVE "PANORAMA TV"