“Prioritet i qeverisë ngelet goditja e pasurive të vëna nga krimi”. Keshtu deklaron ministrja e Financave, Anila Denaj, ne nje konference per mediat, pas publikimit të raportit nga Task Forca Financiare (FATF) e MONEYVAL, ku thuhej se Shqipëria është futur sërish në listën gri të pastrimit të parave.
Sipas ministres, hetimet për asete të sekuestruara deri më tani janë pozitive, nderkohe qe shtoi se duhet te kete rritje denimi per akuzen e pastrimit te parave.
“Shqipëria ka shënuar progres duke u ngritur në vlerësim për 6 rekomandime. Deri më tani janë 65 milionë euro të sekuestruara nga pasuritë e bllokuara. Po ashtu ka dhe një rritja në mënyrë domethënëse e konfiskimeve për bllokimin e pasurive të krimit. Operacioni Forca e Ligjit është shembull i qeverisë se puna ka filluar. Kemi angazhim të ndërsjelltë për hetimet. Në vend ka filluar puna për krijimin e dy regjistrave për pronat. Në këtë proces kanë kaluar dhe vendet e tjetra të rajonit si Serbia, Bosnjë Hercegovina. Në fjalën time theksova angazhimin e qeverisë për luftën kundër pastrimit të parave. Ky angazhim do të jetë më i lartë përgjatë 2020-ës”- tha ajo.
Ministrja theksoi se “Kemi në fokus disa prioritete; Shqipëria do të punojë për të vazhduar planin e veprimit të kryerjes e një analize shtesë për rreziqet nga ‘pastrimi i parave’;
Përmirësimin e trajtimit në kohë të kërkesave juridike; Krijimin e mekanizmave dhe zbulimin e aktiviteteve të tilla kriminale”.