Ministri për Evropën dhe Punët e Jashtme Ditmir Bushati mori pjesë në ekspozitën “SHKODRA, familja-shtëpia-historia ime″. Ekspozita e cila ishte ndërtuar me foto te vjetra të shtepive Shkodrane para viteve ‘90, të cilat përtej të qënit godinë, shpalosin historinë. Aktiviteti u zhvillua në Shtëpinë e Ismet Halilit, Monument Kulture Kategoria I dhe u shpalosen 50 foto të Shkodres dhe Prizrenit.
Ministri Bushati vlerësoi këtë nismë në promovimin e vlerave dhe theksoi se është detyra e politikanëve për të mbështetur iniciativa të tilla. Ministri Bushati bëri me dije se “sivjet është viti evropian i trashëgimisë dhe kjo që po shohim ne këtu ështe vetëm nje pjesë e trashëgimisë kulturore dhe kontributit që ka Shkodra jo thjeshtë në historinë e shqiperisë po të kombit shqiptar”. Për Ministrin Bushati dhe përzgjedhja e Shkodrës dhe Prizrenit ka simbolikën e vet, jo vetëm nga pikpamja arkitekturore por dhe për simbolikën e Bashkimit Kombëtar.
