TIRANE – Biznesmeni nga Fieri, Nuredin Suli, i cili administron disa karburante, kryesisht në zonën e Patosit, nuk e kishte diktuar më parë që në makinë kishte bombë. Po ashtu, nuk e ka kuptuar as kur mina me celular ka rënë nga makina në kohën që ai po dilte nga parkingu i qendrës tregtare.
Suli banon me familjen e tij në një prej pallateve ku ndodhet qendra tregtare dhe paraditen e djeshme kishte parkuar në parkingun e kësaj qendre, nga ku ka dalë rreth orës 11:00 dhe është drejtuar për te Qendra Spitalore “Nënë Tereza”.
Menjëherë sapo është çaktivizuar bomba nga forcat xheniere, ai është lajmëruar nga disa të njohur të tij, të cilët kishin parë në media që përmendej emri i tij.
Më pas është marrë në pyetje edhe nga policia, ku ka dëshmuar rreth dyshimeve të tij për autorësinë e ngjarjes. Burime nga grupi hetimor thanë se Nuredin Suli ka deklaruar se nuk ka konflikte të tjera përveç hasmërisë në Fier, që pas vrasjes së vëllait të tij, në vitin 2012, e plagosjes së vëllait tjetër një vit më vonë.
Ndonëse Policia e Tiranës, në njoftimin zyrtar për shtyp, e ka etiketuar si person me precedentë penalë, vetë Suli ka deklaruar në Polici se nuk ka qenë asnjëherë i skeduar për ndonjë ngjarje, por ka qenë edhe më parë objekt i një atentatit që dështoi një vit më parë.
Ndërsa ka kërkuar zbardhjen e ngjarjes, duke u shprehur se edhe vëllai i tij ka kërkuar mbrojtje nga Policia e Fierit, që kur mbeti i plagosur nga një sulm me armë në vitin 2013.
Panorama
NDIQE LIVE "PANORAMA TV" © Panorama.al
