“Telenovela” me klubin e Tiranës duket se do të zgjasë shumë. Burime të sigurta për “Panorama Sport” bëjnë të ditur se Gjykata e Tiranës ka vendosur të pezullojë ankandin e thirrur nga përmbaruesi privat deri në shqyrtimin e çështjes me themel.
Përmbarimi kishte hapur një ankand për të shitur 66% të aksioneve të Tiranës me vlerë rreth 1.6 milionë euro për shkak të një detyrimi që shoqëria “Halili” i ka Darlin Prezës, trashëgimtar i një testamenti ligjor.
Në kërkesë-padinë, Halili pretendoi për rivlerësim të paktën të aksioneve që përmbaruesi i ka nxjerrë në shitje 1.6 milionë euro. Po kështu, Halili “shpk”, kundërshtoi veprimet e përmbaruesit gjyqësor, i cili ka nisur shitjet e aksioneve të KF Tiranës në ankand. Gjyqtarja e çështjes është Alma Hicka, ndërkohë që dje u vendos që gjyqi të shtyhej për sot.
PANORAMASPORT.AL
NDIQE LIVE "PANORAMA TV" © Panorama.al
