E plotë/ Rama intervistë në FT, flet për negociatat dhe Rusinë: Ajo që presim nga BE-ja është…

SHPËRNDAJE

Kryeministri i Shqipërisë, Edi Rama ne nje interviste per Financial Times  ka kërkuar nga ana e BE fillimin e bisedimeve per hapjen e negociatave, si pjesë e zgjerimit të Ballkanit Perëndimor për të forcuar sigurinë evropiane.

RAMA NE BRUKSEL

Sipas tij, do te ishte shume e cuditshme nese BE-ja nuk do te pranonte hapjen e negociatave me Shqiperine.

Duke folur nga Brukseli, Rama ka argumentuar se Tirana zyrtare ka kryer prioritete e lena si detyre, duke luftuar me force drogen dhe korrupsionin ne sistemin e drejtesise.

“Do te ishte shumë e çuditshme nëse Shqipërise nuk do t’i hapeshin menjehere negociatat, pasi ka bere saktesisht cdo gje qe i eshte kerkuar. Tani ajo që duam është që të shpërblehemi për atë që kemi bërë”- tha Rama.

Shkrimi ne FT 

Kryeministri i Shqipërisë ka kërkuar fillimin e bisedimeve për vendin e tij për t’u bashkuar me BE-në si pjesë e zgjerimi të Ballkanit Perëndimor për të forcuar sigurinë evropiane.

Kryeministri argumentoi se Tirana kishte luftuar fuqishëm kundër problemeve të drogës dhe korrupsionit gjyqësor, duke e bërë atë një kandidat serioz për të përmbushur ambiciet e Brukselit për shtetet e Ballkanit Perëndimor për të hyrë në vitin 2025.

“Ne do të çuditemi nëse Shqipëria nuk do të fillojë menjëherë negociatat, pasi ka bërë saktësisht gjithçka që kërkohet të bëjë”, tha në një intervistë, kryetari i qeverisë, duke theksuar se Serbia dhe Mali i Zi tashmë kanë filluar pranimin e bisedimeve në BE. “Tani ajo që duam është thjesht të shpërblehemi për atë që kemi bërë – dhe që procesi të jetë i drejtë dhe të jetë i parashikueshëm”.

Deklaratat Rama i beri për Financial Times gjatë një vizite në Bruksel përpara samitit të kësaj jave në BE. Komentet e tij pasqyrojnë zhgënjimin që Shqipërisë nuk i është lejuar ende të fillojë bisedimet përkundër përparimit që ka bërë në reformat ekonomike dhe politike.

Aleksandar Vuçiç, president i Serbisë, është pranuar nga BE pasi deklaroi se bashkohet me 28-vendet me qëllimin e tij kryesor politik, edhe pse ai është përballur me kritika në vendin e tij dhe nga disa vëzhgues të huaj për shkak se pretendohet të kapë liritë mediatike.

Rama i bëri thirrje Komisionit Evropian që të rekomandojë hapjen e bisedimeve të pranimit në kohë, në mënyrë që krerët e BE ta miratojnë atë në samitin e tyre të qershorit. Ai vuri në dukje rolin e Shqipërisë dhe vendeve fqinjë në uljen e flukseve të emigrantëve në vendet e Bashkimit Evropian, duke shtuar se interesi dhe ndikimi i Rusisë në Ballkanin perëndimor, ndonëse pak e ekzagjeruar, ishte e vërtetë.

“Moska nuk heq dorë kurrë nga rajoni ynë, duke ditur rëndësinë gjeopolitike të rajonit, që nuk është parë ende nga shumë njerëz të BE, përveç Merkel”, tha zoti Rama. “Është çmenduri të mendosh se Ballkani Perëndimor mund të lihet anash, e lëre më nga Evropa”.

Tirana është e prirur të përfitojë nga shenja të ritmit të përtërirë pas zgjerimit të BE pasi komisioni muajin e kaluar publikoi një strategji të zgjerimit të Ballkanit Perëndimor. Dokumenti sugjeroi se Shqipëria dhe pesë shtetet e ish-Jugosllavisë mund të bashkoheshin me BE brenda tetë viteve, por vetëm nëse ata përmbushin kushtet e vështira, të tilla si zgjidhja e mosmarrëveshjeve dypalëshe dhe lufta kundër korrupsionit.

Disa shtete anëtare të BE mbeten skeptikë rreth perspektivave të anëtarësimit të gjashtë shteteve mes “lodhjes së zgjerimit” më të gjerë pas krizës financiare të vitit 2008, problemeve të borxhit të eurozonës dhe votimit të Brexit në Mbretërinë e Bashkuar. Udhëheqësit e Bashkimit Evropian do të takohen me homologët e tyre në Ballkan në një takim të posaçëm në Sofje në muajin maj.

Rama argumentoi se vendi i tij kishte bërë “përparim mahnitës” në luftën kunder kultivimit të kanabisit dhe ulejn e shkallës së vrasjeve. Ai shtoi se problemet me heroinën dhe kokainën nuk ishin “të veçanta” krahasuar me vendet e tjera evropiane.

Ai pranoi se lufta kundër korrupsionit ishte një “luftë e përhershme”, por tha se janë shënuar rezultate. Ai tha se 17 gjyqtarë dhe prokurorë kanë dhënë dorëheqjen në vend që të dorëzoheshin për një rishikim të performancës së tyre të kaluar dhe burimeve të pasurisë.

Kryeministri Rama tha se kishte shpresë për marrëveshje së shpejti me Greqinë për të zgjidhur mosmarrëveshjet mbi ujërat territoriale në detin Jon dhe kompensimin për pronat e çamëve, një pakicë shqiptare myslimane e dëbuar nga Greqia veriperëndimore gjatë luftës së dytë botërore.

“Deri në verë shpresoj se do të zgjidhim gjithçka”, tha ai, duke shtuar se vendi i tij dhe Greqia ishin ende teknikisht në luftë, falë një tjetër trashëgimie të dytë të luftës botërore. “Pra, 70 vjet histori nuk do të jetë më pengesë për rrugën drejt së ardhmes”.

Perktheu PANORAMA

Te lidhura

 

S'KA KOMENTE

Comments are closed.