Një ngjarje e cila mund të përfundonte tragjikisht në humbjen e jetës së dy vajzave u parandalua nga disa qytetarë dhe policia ditën e sotme.
Mësohet se të mitura të moshës 10 dhe 17 vjeçe janë shpëtuar nga mbytja në det në plazhin e Golemit.
Policia njofton se vajzat aktualisht janë të shtruara në spitalin e Durrësit dhe janë në gjendje të mirë shëndetësore.
Njoftimi i policisë:
Policia, disa pushues dhe bluzat e bardha shpëtojnë 2 shtetase të mitura nga mbytja në det. Efektivët e Postës së Policisë Golem të cilët patrullojnë përgjatë vijës bregdetare në Plazhin e Golemit, në bashkëpunim me disa pushues të tjerë që ndodheshin aty, pasditen e sotme kanë shpëtuar nga mbytja 2 shtetase të mitura të moshës 10 dhe 17 vjeçe, banuese në Elbasan.
Shtetaset e mitura aktualisht ndodhen në spitalin e Durrësit jashtë rrezikut për jetën nën mbikqyrjen e mjekëve. Policia e Kavajës duke patrulluar përgjatë gjithë vijës bregdetare është e angazhuar në shërbim të pushuesve të cilët janë të lutur të telefonojnë në numrin 112 për çdo problem duke u garantuar një reagim të shpejtë dhe profesional.
NDIQE LIVE "PANORAMA TV" © Panorama.al
