Janë publikuar fotot nga vendi i ngjarjes, ku biznesmeni libanez Faad Mitri u rrah ditën e sotme në një aksident të improvizuar në kryqëzimin e Laknasit.
Kjo është fotoja e publikuar nga “Java News”. Në të shihet biznesmeni i ndërtimit i shtrirë përtokë dhe që merr ndihmën e parë nga mjekët.
Kështu, siç raporton ky portal, biznesmenit i është dhënë një ultimatum: “Ik nga Shqipëria ose ndërprit punimet”.
Bëhet fjalë për ndërtimet që ai po kryen te Gjiri i Lalzit në Durrës. Po kështu, “Panorama” raportoi më herët se ndaj biznesmenit aksidenti dhe rrahja kanë qenë të qëllimshme.
Personat e paidentifikuar e kanë përplasur me qëllim për ta ndaluar teksa ai lëvizte me makinë dhe më pas e kanë rrahur.
NDIQE LIVE "PANORAMA TV" © Panorama.al
