Pika doganore greke në Kapshticë do të jetë e mbyllur deri në datën 4 prill për shkak të protestave nga sindikatat në vendin fqinj.
Pika kufitare do të jetë e mbyllur prej orës 05:30 të datës 02 prill, deri më datë 04 prill në orën 05:30 dhe nuk do të lejohet qarkullimi i automjeteve, autobusëve dhe kamionëve.
Ndërsa do të lejohen të qarkullojnë vetëm këmbësorët, pa bagazhe, dhe automjetet që do kenë emergjenca shëndetësore.
Njoftimi i policisë:
DVKM Korçë
Në vijim të informacionit të dhënë nga Policia e Shtetit, ditën e djeshme, ju informojmë se, Policia Greke ka njoftuar Stacionin e Policisë Kufitare Kapshticë, se nga data 02.04.2024, prej orës 05:30, deri më datë 04.04.2024, në orën 05:30, pika doganore greke në Kapshticë, do të jetë e mbyllur për shkak të protestës nga sindikatat greke.
Nuk do të lejohet qarkullimi i automjeteve, autobusëve dhe kamionëve.
Do të lejohen të qarkullojnë vetëm këmbësorët, pa bagazhe, dhe automjetet që do kenë emergjenca shëndetësore.
Policia e Shtetit është në kontakt të vazhdueshëm me autoritetet policore greke dhe do të ketë njoftime të tjera në kohën e duhur, për çdo ndryshim.
NDIQE LIVE "PANORAMA TV" © Panorama.al