Një pjesëtar i policisë së Kosovës ka mbetur i vrarë dhe dy të tjerë, bashkë me një fëmijë, kanë mbetur të plagosur nga një shpërthim që ka ndodhur sonte të Zhur të Prizrenit.
Detajet për ngjarjen tragjike i ka dhënë për Telegrafin, zëdhënësi i policisë së Kosovës për rajonin e Prizrenit, Shaban Osmanollaj.
“Mund të konfirmojmë se sot 28.01.2020 në orët e mbrëmjes gjatë një operacioni policor në fshatin Zhur të Prizrenit, dyshohet se ka ndodhur një shpërthim ku si pasoj e këtij shpërthimi ende të pa identifikuar kanë pësuar lëndime tre zyrtarë policorë dhe një qytetar”.
“Si pasojë e plagëve të pësuara dyshohet se njëri nga zyrtarët policor të ketë ndërruar jetë’, ka thënë Osmanollaj, për Telegrafin.
Sipas tij, njësitet policore relevante dhe stafi menaxhues i Policisë së Kosovës kanë dalur në vendin e ngjarjes dhe janë duke hetuar rastin.
Në mesin e të lënduarve si pasojë e këtij shpërthimi ka mbetur një fëmijë i cili ishte pjesëtarë i familjes në shtëpinë e së cilës policia e Kosovës po kryente bastisje.
Kështu ka thënë Osmanollaj në një lidhje direkte për Televizionin e Prizrenit.
“Një fëmijë i familjes ku është kryer bastisja ka pësuar lëndime të lehta. Të lënduarit janë dërguar në Spital të Prizrenit ku po trajtohen nga qendra Emergjente”, tha Osmanollaj.
