Dy persona u shpëtuan nga forcat zjarrfikëse të qytetit të Durrësit pasi kishin mbetur të asfiksuar brenda një pusi uji. Ngjarja ka ndodhur në Shijak tek sa dy banorë ishin duke kryer pastrimin e një pusi, por pas çlirimit të gazrave në thellësi ata patën probleme me shëndetin.
Policia e Durrësit njofton se forcat zjarrfikëse u lajmëruan nga banorët dhe pas disa minutave ndërhyrje, u bë e mundur nxjerrja e tyre dhe dhënia e ndihmës së nevojshme mjekësore.
Dy banorët, 28 dhe 50 vjeç po marrin ndihmën e nevojshme në Spitalin e Durrësit dhe ndodhen jashtë rrezikut për jetën.
