Drejtoria Arsimore e Qarkut Tiranë ka reaguar dje pas akuzave të ardhura nga Partia Demokratike lidhur me një e-mail që u ka shkuar shkollave për të raportuar mbi bindjet politike të mësuesve.
Sipas drejtoreshës Eglantina Metani, e-maili i serketares së saj është sulmuar dhe përmes tij është dërguar ky mesazh në mënyrë pirate.
Por sot Partia Demokratike ka publikuar e-mailin e plotë ku duket e gjithë lista me 68 shkolla të kryeqytetit që kanë marrë porosinë për të ‘spiunuar’ mbi bindjet politike të mësuesve.
Në e-mail duket se porosia ka shkuar në Zall Dajt, Yzberisht, Yrshek e deri në Marqinet, Ibë dhe Farkë.
