Pamje të tmerrshme janë publikuar nga Nju Jorku, me trupat e vdekur të ngarkuar në një kamion frigorifer me një pirun lëvizës përpara Spitalit të Brooklyn në Nju Jork Siti, ku 790 njerëz kanë vdekur nga koronavirus dhe 36,000 janë infektuar.
Videoja – e cila u mor nga një kalimtar nga makina e tij – u shfaq brenda disa orësh që një infermiere shpërndau një fotografi të tmerrshme të trupave që ishin grumbulluar në një kamion frigoriferik që të marreshin nga një spital tjetër.
Ekzistojnë morgje dhe spitale të improvizuara në të gjithë qytetin e Nju Jorkut, epiqendra e virusit në SHBA, përfshirë një në “Central Park”.
Nju Jork Siti është duke pritur ‘kulmin’ e tij në javët e ardhshme dhe ka një garë kundër kohës për të përgatitur sistemin spitalor tashmë të tejmbushur, kur të vijë koha.
Ndërsa tani është Nju Jorku epiqendra, ekspertët, përfshirë zërin më autorizues të Shtëpisë së Bardhë për këtë temë, Dr. Anthony Fauci, thonë se qytetet e tjera së shpejti do të pësojnë një shpërthim shqetësues të ngjashëm.
Presidenti Donald Trump ka zgjatur udhëzimet për distancimin shoqëror deri në fund të prillit dhe dha parashikimin e zymtë, se nëse numri i vdekjeve mbetet nën 100,000 deri në kohën kur pandemia të mbarojë, “do të kemi bërë një punë të mirë”.
NDIQE LIVE "PANORAMA TV" © Panorama.al
