1 – Lista e grumbullimeve. U mor Grezda si lojtar shumë i nevojshëm, u la më pas të ikte dhe nuk u zëvendësua. Ergys Kaçe u la jashtë dhe trajneri iu kundërvu gazetarëve në konferencë duke thënë edhe që ishin pa informacionet e duhura. Më tej, e fton për Skocinë, por pa i dhënë asnjë minutë.
2 – Cenon frymën e grupit. Fillimisht, trajneri thërret kapitenin Agolli duke bërë edhe deklaratat se sa i rëndësishëm është. Më tej, përpara dy ndeshjeve e ka në konferencat për shtyp që ai të flasë si kapiten, por në të dyja takimet nuk i jep asnjë minutë, ndonëse në çdo deklaratë trajneri është shprehur se ka nevojë për futbollistët me eksperiencë për këto takime.
3 – Një aspekt është ndryshimi i formacionit në çdo ndeshje. Edhe kur lojtarët paraqiten mirë dhe skuadra merr rezultat, italiani ndryshon thelbësisht ekipin për sfidën e ardhshme. Shembulli i fundit? Nga Izraeli te Skocia.
4- Ndryshon skemën pa e provuar më parë në stërvitje. Hysaj u shpreh pas Skocisë, që atë rreshtim nuk e kishin testuar gjatë grumbullimit.
5 – Zëvendësimet e shpejta. Në shumë takime, trajneri ndryshon pa u mbyllur pjesa e parë, por edhe në shumë të tjera ka bërë zëvendësime në startin e të dytës, duke djegur mundësinë e ndryshimeve në fazën finale të takimeve.
6 – Për fat të keq, me sa është parë në këto dhjetë ndeshje, Panuçi nuk i ka goditur zëvendësimet.
NDIQE LIVE "PANORAMA TV" © Panorama.al
