“Ndryshimet kushtetuese, të njëanshme”, Konservatorët Evropianë thirrje Qeverisë: T’i qëndrojë marrëveshjes së 5 qershorit

Pas miratimit nga Kuvendi i Shqiperise te ndryshimeve kushtetuese, Partia e Konservatorëve dhe Reformistëve Europianë – ECR, ka reaguar përmes një deklarate, duke e quajtur votimit jo vetem te njeanshem, por edhe thyerje te konsensusit dhe paktit te 5 qershorit. 

Deklarata e plotë e Partisë së Konservatorëve dhe Reformatorëve Europianë- ECR:
“Partia e Konservatorëve dhe Reformatorëve Europianë- ECR dënon me forcë thyerjen e qëllimshme nga kryeministri Rama të konsensusit që partitë politike në Shqipëri arritën në 5 qershor me mbështetjen e bashkësisë ndërkombëtare, për Reformën e Kodit Zgjedhor të Shqipërisë.

Partia e Konservatorëve dhe Reformatorëve Europianë-ECR është shumë e shqetësuar me këtë praktikë, e cila është në kundërshtim të rekomandimeve të OSBE-së për zgjedhje të lira dhe të ndershme dhe që është i papajtueshëm me standartet dhe normat demokratike të NATO-s dhe vendeve anëtare të BE-së. Partia e Konservatorëve dhe Reformatorëve Europianë – ECR i bën thirrje partisë qeverisëse në Shqipërisë ti qëndrojë Marrëveshjes së 5 qershorit për Reformën Zgjedhore dhe kodifikimit të saj të miratuar në mënyrë konsensuale, që është tani ligj.