Nëse keni qenë ndonjëherë i dashuruar, e dini se sa mirë është të ecësh me të dashurin tënd dorë për dore.
Ndoshta nuk e vini re, por ky gjest i vogël thotë shumë për lidhjen tuaj dhe fazën që po kaloni si çift, raporton “Bright Side”.
1. Dora juaj poshtë dorës së partnerit.
Nëse i mbani duart në këtë mënyrë, kjo do të thotë se marrëdhënia juaj bazohet në afeksion, por jo në pasion. Gjithashtu zbulon se ai që e ka dorën lart, ka një personalitet më të fortë, shpesh ndërmerr iniciativa dhe është më vendimtar.
2. Gishtat e gërshetuar.
Gishtat e gërshetuar simbolizojnë pasionin dhe një lidhje të fortë midis dy personave. Kur i mbani duart në këtë mënyrë, është e rëndësishme që të dy ta mbani fort dorën e personit tjetër. Nuk është një shenjë e mirë nëse njëra nga duart është shumë e lirë.
3. Mbani vetëm një gisht të partnerit.
Kjo mënyrë tregon se të dy keni pavarësi në çift. Çiftet e tilla dinë të respektojnë hapësirën dhe privatësinë e njëri-tjetrit. Por kjo mund të tregojë gjithashtu se çifti po kalon një moment delikat, pasi njëri nga të dy ndjen nevojën për ta kthyer lidhjen thjesht në miqësi.
4. “Përforcim” me anën e dorës tjetër.
Nëse përdorni “përforcim” me dorën tjetër, do të thotë që gjërat mes jush po bëhen serioze. Fatkeqësisht, nuk është gjithmonë një shenjë pozitive: kjo mund të thotë gjithashtu se po ktheheni në një person posesiv ndaj partnerit.
5. Krahë të lidhur
Kjo përdoret kur një çift po ndjek ndonjë ngjarje shoqërore. Sidoqoftë, nëse i mbani duar kështu çdo ditë, atëherë kjo do të thotë se ata që kapin krahun e partnerit të tyre kërkojnë mbrojtje ose ndihen pak të pasigurt në marrëdhënie.
6. Duke mbajtur gishtat dhe duke tërhequr pak dorën e partnerit
Kjo mund të tregojë se çifti nuk është në të njëjtin vend. Ai që tërheq dorën përpiqet ta bëjë partnerin të marrë vendime më shpejt sesa është mësuar. Mund të jetë gjithashtu një shenjë që tregon se njëri prej tyre është ngopur me rutinën në marrëdhënie.
7. Nuk kapeni dorë për dore
Nëse partneri juaj shmang mbajtjen e dorës, kjo mund të jetë një shenjë që ai ose ajo nuk është aq i/e dhënë pas jush. Sidoqoftë, kjo mund të tregojë edhe ndrojtje ose dëshirë për privatësi. Mos merrni vendime të menjëhershme dhe vazhdoni të vëzhgoni shenja të tjera në marrëdhënien tuaj. Ndoshta nuk ka asgjë për t’u shqetësuar.
