“Medikamenti” çon në pranga administratorin dhe punonjësen e farmacisë, bënin kontrabandë me barnat

SHPËRNDAJE

Policia e Tiranës ka arrestuar sot një administrator të një farmacie dhe një farmacisë, si dhe ka shpallur në kërkim dhe drejtuesen teknike të saj.

Mësohet se  arrestimi i tyre është bërë pasi dyshohet se shisnin mallra kontrabandë.

farmaci-ilace

Njoftimi i plotë

Operacion policor i koduar “Medikamenti” nga Sektori për Krimin Ekonomik dhe Financiar.

Arrestohet administratori dhe punonjësja e farmacisë për kontrabandë produktesh farmaceutike, si dhe shpallet në kërkim drejtuesja teknike e farmacisë.

Sekuestrohen 520 medikamente dhe produkte farmaceutike të llojeve të ndryshme.

Më datë 12.05.2018, Sektori për Krimin Ekonomik dhe Financiar në Drejtorinë Vendore të Policisë Tiranë, në kuadër të operacionit policor të koduar “Medikamenti”, arrestoi shtetasit :

– Julian Ll., 40 vjeç, banues në Tiranë (me detyrë administrator farmacie)

– E. P., 29 vjeçe, banuese në Tiranë, (me detyrë punonjëse farmacie)

Si dhe u shpall në kërkim dhe po punohet për ndalimin e shtetases:

– A. P., 66 vjeçe, banuese në Tiranë (me detyrë drejtuese teknike e farmacisë)

Shtetasit e mësipërm në një pikë farmacie në rrugën “Kongresi i Manastirit”, tregtonin dhe shisnin produkte farmaceutike kontrabandë.

Materialet iu referuan Prokurorisë së Rrethit Gjyqësor Tiranë, në ngarkim të shtetasve të lartpërmendur për veprat penale “Tregtimi dhe transportimi i mallrave që janë kontrabandë”, “Fshehja e të ardhurave” dhe “Riprodhimi pa të drejtë i veprës së tjetrit”, parashikuar nga nenet 178, 180 dhe 149/a të Kodit Penal.

 

Te lidhura

 

Artikulli paraprak'Shqiptarë të mallkuar', ofendimet në protestën kundër ndryshimit të emrit në Maqedoni (video)
Artikulli tjetërNga A te Z, kuriozitete në turnetë e luajtur deri më sot

S'KA KOMENTE

Comments are closed.