Andi Lila do t’i nënshtrohet një operacioni tjetër që do ta kthejë në fushën e lojës në 2020-ën. Janë burime zyrtare pranë klubit Tirana që bënë dje me dije një fakt të tillë. Mësohet se futbollisti i Kombëtares dhe Tiranës është vizituar te një mjek i huaj, i cili pasi i ka bërë një kurë me gjilpëra, i ka këshilluar lojtarit të bëjë një tjetër operacion në menisk.
Nga sa është marrë vesh, lojtari do të operohet sërish në këmbë për të shpëtuar një herë e mirë nga dëmtimi. Mjeku i ka garantuar lojtarit që do të kthehet në fushën e lojës shumë shpejt, duke filluar nga janari në stërvitje dhe me dëshirën e Andi Lilës, që të jetë në lojë në shkurt. Kujtojmë që në fund të prillit Lila u operua në menisk dhe pritej që të ishte në fushën e lojës këto ditë.
Gjithsesi, edhe pas firmosjes së kontratës me Tiranën, lojtari asnjëherë nuk e bëri të qartë se kur mund të kthehej në fushën e lojës. Kthimi i Lilës në stërvitje parashikohet në janar, ndërsa në fushë mund ta shohim në muajin shkurt.
Përfundimisht, Lila nuk do të luajë këtë vit, por vetëm fillimin e vitit tjetër. Kavajasi iu bashkua skuadrës së Tiranës dhe para ndeshjeve të Kombëtares në shtator.
(LAJMIN E PLOTË E LEXONI NË VERSIONIN PRINT TË GAZETËS “PANORAMA SPORT”)
NDIQE LIVE "PANORAMA TV" © Panorama.al
