Një 81-vjeçare, e shtruar te Spitali Infektiv, ka ndërruar jetë ditën e sotme.
E moshuara ishte e infektuar me koronavirus, por Ministria e Shëndetësisë sqaron se ajo ishte asimptomatike dhe se nuk humbi jetën nga COVID-19.
81 vjeçarja ishte asimptomatike, ndërsa ndërroi jetë nga insuficienca e disa organeve.
“E moshuara vuante dhe nga Insuficience multiorganore kronike të dekompensuar (kardiake, renale, metabolike, diabet insulinovartes), bartëse e sars cov2, por pa simptoma”, sqaron Ministria.
Vendi shënoi sot një numër rekord rastesh të reja, 42, shifra më e larët e regjistruar në 24 orë që prej fillimit të pandemisë, duke e çuar numrin total të të prekurve në 1341 persona.
34 persona kanë humbur jetën nga COVID-19 në vend.
Njoftimi i Ministrisë:
Nuk ka vdekje nga COVID19, 81 vjeçarja ishte asimptomatike, ndërroi jetë nga insuficienca e disa organeve
Ministria e Shëndetësisë informon se, referuar shërbimit infektiv, një 81 vjeçare ka ndërruar jetë nga insuficienca multiorganore. E moshuara, sipas këtij shërbimi, ishte asimptomatike për Covid19.
81-vjeçarja vuante dhe nga Insuficience multiorganore kronike të dekompensuar (kardiake, renale, metabolike, diabet insulinovartes), bartëse e sars cov2, por pa simptoma.
NDIQE LIVE "PANORAMA TV" © Panorama.al