Deputetja e opozitës së re në Parlament, Fatjona Dhimitri, duke reaguar për vendimin për hapjen e negociatave, thekson se krahasuar me numrin e kushteve, Shqipëria është më keq se në vitin 2009 kur aplikoi.
Ajo thotë se në këtë kohë që Kryeministri është i karantinuar në sarajet e Surrelit, mund të punojë online me mëkëmbësit e tij dhe jo të tmerrojë shqiptarët me sirena policie.
Reagimi i plotë:
Urime Shqipëri por ende shumë pune për të bërë…
Bashkimi Europian kishte 12 kushte në fillim, pastaj arriti ne 10,…. në 5.
Më tej Bundestag-u doli me 9 kushte, tashmë të përfshira në 4+11 kushtet (4 për bashkëpunimin politik + 11 për detyrat e qeverisë) nëqoftëse i referohemi numrave, rezulton të jemi më keq se në vitin 2009 kur aplikuam për anëtarsim në BE.
Bashkimi Europian ka besim në forcën e vet, jep shpresë edhe në momentet më të vështira që po kalon njerëzimi sot.
Po ne a kemi besim te kjo qeveri që edhe kur populli jeton me ankthin e pandemisë globale vazhdon e kërcënon qytetaret e vet?
Ndër kushtet e vendosura prej BE është liria e medias, finalizimi i reformës zgjedhore.
Median që aq shumë e sulmoi Kryeministri i Rilindjes duke e quajtur “kazan” qëndron si pararojë për te çelur portën e negociatave.
Është e rëndësishme të reflektojmë thellësisht mbi këto kritere.
Qeveria shqiptare duhet të përgatisë një plan veprimi për masat e marra dhe për afatet brenda të cilave këto kushte do të përmbushen e t’jua paraqese vëndeve anëtare të Bashkimit Europian.
Në këtë kohë që Kryeministri është i karantinuar në sarajet e Surrelit, mund të punojë online me mëkëmbësit e tij dhe jo të tmerrojë shqiptarët me sirena policie.
Kjo është një mundësi e mirë që i ofrohet për të qënë serioz pas 7 viteve qeverisje sui generis.
NDIQE LIVE "PANORAMA TV" © Panorama.al