Partnerja e Olsi Bylykut, Egli Tako, vendosi të tregojë disa detaje rreth marrëdhënies që ka me aktorin e humorit. Gjatë një bisede virtuale me ndjekësit të zhvilluar dje në Instagram-in e saj, Egli nuk u kursye dhe iu përgjigj të gjitha pyetjeve.
“Kur mendon të bëhesh me beb?”, ishte një ndër pyetjet më të shpeshta që iu drejtuan këngëtares, e cila iu përgjigj: “Mendoj pas disa vitesh (3-4). Por gjithçka varet nga Zoti”.
Çifti publikojnë shpesh foto dhe video gazmore në prani të njëri-tjetrit për fansat e tyre. E pyetur se çfarë e bezdis më shumë tek këngëtari, Egli tha: “Nuk e ka mendjen kur unë flas”.
Mirëpo, Bylyku di ta shprehë dashurinë edhe me fjaë e madje i ka bërë një dedikim shumë të bukur partneres së tij, e cila nuk e harron kurrë. Ajo zbuloi se fraza më e bukur që i ka thënë aktori është: “Ti je ngjyra që nuk e kisha llogaritur, por që më plotëson pikturën”.
Më herët, Tako ka folur hapur për betejën e saj me ankthin dhe depresionin. Prandaj, dikush e pyeti: “Çfarë simptomash ankthi ke patur?”.
“Pothuajse çdo simptomë: frikë, parehati, rrahje zemre, dridhje trupi, dhimbje qafe, të vjella, humbje oreksi, humbje emocionesh, dëshirash, qëllimesh… Dhe jo vetëm ankth”,- u përgjigj Egli.
Ajo shtoi se terapia me psikologë dhe mjekimi janë ato që e kanë ndihmuar ta menaxhojë situatën.
Ndërkohë, Olsi zbuloi muajin e kaluar se bashkëmoshatarët e kanë paragjykuar që në një moshë të re (aktualisht 23 vjeç) ndërtoi një lidhje serioze.
“Ka shumë njerëz që thonë ti mund të kalosh ato përvojat e tuja, dhe pastaj të krijosh një lidhje se je i pjekur. Ne këtë se’e kemi në dorë. Mund të biesh në dashuri 15, 16, 17, 18 vjeç.
Unë dhe Egli u dashuruam që herën e parë që u njohëm dhe sot e kësaj dite asnjëherë nuk më mërzitet si njeri. Pres që të mbaroj angazhimet e mia që të rri me të. Pres me kënaqësinë më të madhe që të krijoj familje me të dhe një dasëm, se një dasëm na duhet”,- u shpreh Olsi.
