“Kur dola nga burgu më priti Talo Çela”- Dumani rrëfen grabitjen e ndodhur 5 vite më parë: Tek “Pilafi” mora një Porsche Cayenne, në banesë u futëm me kallashnikov, më pas…

May 20, 2022 | 21:50
SHPËRNDAJE

Dosja e SPAK, ku u goditën 8 grupe kriminale ka hedhur dritë mbi shumë ngjarje të rënda, ku protagonist ka qenë Nuredin Dumani. Dëshmia e këtij të fundit ka bërë që të përveç vrasjeve të zbardhen edhe shumë grabitje.

nuredin dumani2

Një prej tyre ka ndodhur në vitin 2017 në një fshat të Beratit, në pronësi të Hamdi Sharkës ku Dumani dhe të tjerë kanë grabitur 2000 Paund, rreth 25.000 Lekë e bizhuteri dhe kur janë larguar kanë marrë dhe makinën e pronarit të shtëpisë.

“Jemi nisur të dy makinat në drejtim të fshatit ku do të kryenim grabitjen. Kemi parë një herë zonën nga larg ku ndodhej shtëpia dhe kemi bërë rrethimin e shtëpisë. Plani ishte që unë me Kelin do të thyheshim derën të hynim brenda sepse informacioni ishte se në shtëpi kishte shumë njerëz. Kemi vënë re se një prej personave të shtëpisë ndez dritën dhe shkon në banjë. E pamë këtë moment si të përshtatshëm që të hynim në shtëpi. Unë kisha në dorë kallashnikov dhe Keli kishte po kallashnikov. U mbajtëm me njëri tjetrin dhe të dy njëkohësisht i ramë derës me shkelm. Dera u hap dhe ajo ra në tokë. Neutralizuam burrin që ishte në tualet dhe hynë çunat e tjerë. Unë me Kelin mbajmë burrin dhe gruan dhe të tjerët kontrollonin për lekët. Njëkohësisht pyesja burrin se ku i kishte lekët. Ai thoshte që nuk kam. Pasi kemi qëndruar rreth 20 min duke kontrolluar s’gjetëm gjë lekë vetëm një pistoletë TT. E morëm pistoletën, telefonat ua thyem për të mos patur kontakt dhe marrim gjithashtu dhe benzin e të zotit të shtëpisë dhe largohemi”, ka rrëfyer Dumani.

PJESË NGA DOSJA

  1. Lidhur me faktin penal të vjedhjes së banesës së shtetasit Hamdi Sharka, ndodhur në datën 20.04.2017, në fshatin Polizhan Berat.

23.1  Më datë 24.04.2017, Prokuroria pranë Gjykatës së Rrethit Gjyqësor Berat, ka kryer regjistrimin e procedimit penal nr. 304 të vitit 2017, për veprën penale “Vjedhje me dhunë në bashkëpunim” të parashikuar nga neni 139 dhe 25 të Kodit Penal. Më datë 26.06.2018, Prokuroria pranë Gjykatës së Rrethit Gjyqësor Berat, ka vendosur pezullimin e hetimeve të procedimit penal nr. 304 të vitit 2017. Në datën 27.04.2022 Prokuroria e Posaçme, ka rifilluar hetimet dhe ka regjistruar procedimin penal nr.92/20222, për veprat penale të “Vjedhje  me dhunë” në dëm të Hamdi Sharka , kryer në bashkëpunim të veçantë atë të grupit të strukturuar kriminal, “Grupi i strukturuar kriminal” dhe ‘”Kryerja e veprave penale nga grupi i strukturuar kriminal dhe organizata kriminale”, parashikuar nga nenet 139, 28/4, 333/a dhe 334, të Kodit Penal.

23.2  Rasti i referohet ngjarjes së datës 20.04.2017, ku rreth orës 23:00, në banesën e shtetasit  Hamdi Sharka në fshatin Polizhan kanë hyrë tre persona me maska ku kanë marrë 2000 Paund, rreth 25.000 Lekë e bizhuteri dhe kur janë larguar kanë marrë dhe makinën e pronarit të shtëpisë.

23.3  Nga ana e prokurorisë janë kryer veprimet hetimore dhe janë administruar aktet përkatëse nga të cilat nuk është bërë e mundur të identifikohen autorët e veprës penale.

23.4  Lidhur me këtë çështje është marrë deklarimi i shtetasit Nuredin Dumani më datë 15.04.2022, i cili sqaron se: “Në vitin 2017 kam dalë nga burgu dhe tek dera e burgut të Rrogozhinës më pret Talo  Cela me një benz E class ngjyrë vishnjë e vitit 2012 . Së bashku me të ishte dhe shtetasi Dorian Shkoza dhe më kanë çuar në shtëpi. Pas disa ditësh më tha Talo për një grabitje ku do te merrnin pjesë shumë persona. Ishte një shtëpi në një fshat të Beratit dy katëshe nga Poshja e Beratit ose Kosova se mbaj mend fiks. Më ka lajmëruar Talo në telefon me sms duke më thënë “hajde duku”. Kam shkuar tek vendi i quajtur pilafi duke i marrë një kushëririt tim një Porche Cayen dhe aty kam takuar personat Talon, Eljo Bitrin, Kel Kamamin, Gent Sharren. Kemi qëndruar 1,5-2 orë dhe më pas kemi shkuar tek kafja e Gent Sharres duke pritur qe të errësohej. Në afërsi të servisit të Gent Sharrës Talo kishte një garazh pronar i së cilës do të vinte me ne të merrte pjesë në vjedhje. Këtë person nuk e kisha parë asnjëherë dhe nuk ia di emrin. Shkuam e morëm tek garazhdi këtë person dhe në mjetin që do të përdornim në vjedhje kemi hypur unë, Talo Çela dhe Eljo Bitri. Ky ishte një benz C class i vjedhur. Në afërsi të Belshit jemi takuar me Kel Kamanin që ishte së bashku me tre persona të tjerë të cilët nuk i njihja. Keli ishte me një mjet C class edhe ai të vjedhur. Jemi nisur të dy makinat në drejtim të fshatit ku do të kryenim grabitjen. Kemi parë një herë zonën nga larg ku ndodhej shtëpia dhe kemi bërë rrethimin e shtëpisë. Plani ishte që unë me Kelin do të thyheshim derën të hynim brenda sepse informacioni ishte se në shtëpi kishte shumë njerëz. Kemi vënë re se një prej personave të shtëpisë ndez dritën dhe shkon në banjë. E pamë këtë moment si të përshtatshëm që të hynim në shtëpi. Unë kisha në dorë kallashnikov dhe Keli kishte po kallashnikov. U mbajtëm me njëri tjetrin dhe të dy njëkohësisht i ramë derës me shkelm. Dera u hap dhe ajo ra në tokë. Neutralizuam burrin që ishte në tualet dhe hynë çunat e tjerë. Unë me Kelin mbajmë burrin dhe gruan dhe të tjerët kontrollonin për lekët. Njëkohësisht pyesja burrin se ku i kishte lekët. Ai thoshte që nuk kam. Pasi kemi qëndruar rreth 20 min duke kontrolluar s’gjetëm gjë lekë vetëm një pistoletë TT. E morëm pistoletën, telefonat ua thyem për të mos patur kontakt dhe marrim gjithashtu dhe benzin e të zotit të shtëpisë dhe largohemi. Benzi ishte E class ngjyrë gri prodhim i vitit 2004-2005. Për tu larguar marrim rrugën Berat-Lushnjë Fier. Në Fier pa shkuar tek rotondo e fundit hedhim benzin në një kanal. Tentuam që ta hedhim por ai nuk ra plotësisht. Kthehemi me dy mjetet dhe marrim rrugën për në Elbasan për nga Rrogozhina. Pistoletën e mbajtën nuk e di se kush dhe unë pas disa kohësh kam shkuar në Francë ku më pas rashë në burg, në Bordo”.

NDIQE LIVE "PANORAMA TV" © Panorama.al

Te lidhura