Kryeministri Edi Rama thotë se kjo është java e fundit e kufizimeve në kuadër të masave kundër koronavirusit, ndërsa shton se të pezulluara do të ketë aktivitetet funerale, dasmat dhe ceremonitë mortore me shumë njerëz.
Sipas Ramës, me ardhjen e të ftohtit në vjeshtë mund të vijë vala e dytë e infeksionit, por nënvizon se qeveria po merr masa për ta përballuar.
Rama: Shani e fyeni sa të doni por rrezikun e infeksionit mos e përqeshni sepse është real. Lus Zotit të mos turpërohemi pasi përballuam më të keqen dhe larg qoftë të mos mbyllemi sërish.
Jam shumë merak dhe po ua përsëris se kjo fazë është shumë delikate sepse virusi nuk ka ikur dhe as nuk është mundur përfundimisht.
Bashkarish ia kemi dalë pasi gjërat mund të shkonin për dreq nëse qeveria nuk do të ishte në lartësinë e detyrës.
Njëkohësisht përtej fjalëve të kota, dokrrave të panumërta nuk u kthyen në thyerje masive të masave. Kjo është java e fundit e kufizimeve, ku aktivitetet kulturore dhe dasmat dhe funeralet ende nuk do të zhvillohen.
Transporti publik që do të rrijë mbyllur edhe për pak dhe plazhi publik do të ketë korniza sigurie. Sjellja individuale e secilit nuk duhet të jetë si më parë. Vala e re mund të vijë me të ftohtin dhe në ardhtë do ta përballojmë patjetër. Ne po përgatitemi. Struktura e re spitalore në autostradën Tiranë-Durrës po përgatitet me të gjitha mjetet mbrojtëse.
20:12- Kryeministri Rama i thotë “lamtumirë” koronavirusit!
Komunikimet e vazhdueshme dhe të përditshme të prej më shumë se dy muajsh të kryeministrit Edi Rama duket se do të përfundojnë mbrëmjen e sotme.
Kreu i qeverisë thotë se në orën 21:00 do të jetë komunikimi i fundit kushtuar armikut të padukshëm.
“SONTE NË 21.00 KOMUNIKIMI IM I FUNDIT KUSHTUAR EKSKLUZIVISHT LUFTËS ME ARMIKUN E PADUKSHËM COVID19”- shkruan Rama.
NDIQE LIVE "PANORAMA TV" © Panorama.al
