Në fundjavën e kaluar, Havi Martinez u përjashtua rishtazi nga lista e të grumbulluarve. Kjo gjendje e ka shqetësuar shumë sa që ka shpërthyer në lot përpara ndeshjes me Hofenhaimin, sepse do të kishte dashur të ishte në fushë ditën e ditëlindjes të së birit.
Për 4-3-3- shin e Piolit do të ishte regjisori ideal, pavarësisht se Bilia aktualisht është i privilegjuar në zgjedhjet e teknikut, aq më tepër që në organikë ka edhe Ismael Benaserin, që në atë rol u shpall kampion Afrike me Algjerinë.
INVESTIMI
Janari dhe merkato janë ende larg, por nga ana e Milanit nuk do të mungojë ndonjë korrigjim në merkato, aq më tepër që fondi “Elliott” një javë më parë miratoi një rritje buxheti prej 80 milionë eurosh. Edhe në prezantimin e Stefano Piolit, drejtori Boban e pranoi që do të kishte zhvillimet gjatë merkatos në hyrje. Një pjesë e shumës së sipërpërmendur mund të investohet pikërisht për Martinez, i cili do të largohej nga Bajerni i Munihut për 20-25 milionë euro.
/PANORAMASPORT.AL/
NDIQE LIVE "PANORAMA TV" © Panorama.al
