Muajt e fundit të shtatzënisë duket se nuk kalohen lehtë e sidomos në këtë periudhë të vitit, ku temperaturat janë shumë të larta.
Katy Perry është një ndër ato vajza që janë në pritje të ëmbël dhe mezi po pret ta marrë në krahë vajzën e saj, por edhe të “shpëtojë” nga sikleti i shtatzënisë.
35-vjeçarja po pret fëmijën e parë me aktorin e njohur Orlando Bloom, ndërkohë për këtë të fundit, është hera e parë që do të bëhet baba i një vajze.
Ai ka një djalë nga marrëdhënia e mëparshme me modelen Miranda Kerr, që përfundoi në vitin 2013.
Tani ai po shijon romancën me Katy Perry-n, e cila shtë gati të bëhet nënë dhe nëpërmjet Instagram-it, ajo u tregoi fansave se “kaq ishte” dhe tani dëshiron të lindë sa më parë.
Ajo postoi një foto, në të cilën duket shumë e lodhur dhe krah saj shkruajti: “ylli i rraskapitur”.
Ende nuk dihet se në cilën datë do të vijë në jetë vajza e Katy-t, por, pas publikimit në mars të këngës “Never Worn White”, ajo tha se do të lindte në verë.
Edhe Orlando Bloom ka treguar se sa i emocionuar është që do të bëhet sërish baba, duke thënë: “Është një kohë magjike kur një engjëll shfaqet në planet, kjo është mënyra se si ndihem unë”.
