Një pilot i një helikopteri komercial, i cili drejtoi një ekip që shpëtoi 12 viktima nga shpërthimi i vullkanit në Ishullin e Bardhë, Zelandë e Re, tha se besonte se ishte shpresa e tyre e fundit për mbijetesë.
“Ne gjetëm njerëz të vdekur, duke vdekur dhe të gjallë, por në gjendje të ndryshme pavetëdijeje”, tha për “The Guardian” Mark Law, shef i një kompanie turistike, i cili fluturoi mbi vullkan dhe kaloi një orë në tokë pas shpërthimit të së hënës, mes hirit vullkanit, për të kërkuar të mbijetuar, pasi ekipet e emergjencës nuk u lejuan nga autoritetet që të hynin në ishull për shkaqe sigurie.
“Dëgjuan se ekipet e emergjencës nuk po vinin në ishull”, tha Law, i cili për 10 vjet kujdesej për Ishullin e Bardhë, nën kompaninë private që e zotëronte atë.
Gjashtë njerëz janë konfirmuar të vdekur në katastrofë dhe tetë të tjerë mund të kenë vdekur në ishull.
Njëzet e shtatë nga 31 personat e dërguar në spital kishin pësuar djegie në 30 për qind të trupit. Priteshin më shumë vdekje mes të plagosurve.
Tashmë është hapur një hetim se pse nuk u paralajmërua tragjedia.
NDIQE LIVE "PANORAMA TV" © Panorama.al