Në kulmin e tensioneve që ka shkaktuar vrasja e gjeneralit të fuqishëm iranian, Qassem Soleiman, urdhëruar nga Presidenti amerikan Donald Trump, vjen deklarata e fortë e ish zv drejtorit të CIAS Michael Morell.
Në një kohë që Irani e ka bërë publike kërcënimin për hakmarrje, ai shkon më tej dhe paralajmëron një sulm terrorist, me qëllim vrasjen e ndonjë zyrtari të lartë amerikan, raportojne mediat amerikane.
“Irakianët do të kryejnë një sulm terrorist, me qëllim vrasjen e një zyrtari të lartë amerikan. Kjo mund të ndodhë kudo në botë, madje dhe në tokën amerikane”, ka thënë ai.
“Soleimani ishte një gjeni i keq, që kishte shumë gjak amerikan në duar. Bota është një vend më i mirë pa të, por problemi është se do të paguhet një çmim i rëndë. Së pari, do të ketë amerikanë të vdekur, civilë të vdekur amerikanë. Mund të ndodhë në ditët e ardhshme në vendet ku Irani ka ndihmës”, ka deklaruar ish-drejtori i CIA-s.
NDIQE LIVE "PANORAMA TV" © Panorama.al
