SENAD NIKSHIQI/ Dalin detaje të reja nga vrasja e bujshme në Shkodër dy ditë më parë. Hetimet kanë saktësuar që janë 27 plumba që kanë dalë nga arma e krimit që ditën e dielë në orët e para të mëngjesit vrau ciftin Boran Bërcama dhe Silvi Ndoci.
21 plumba ka marrë i riu Boran Bërcama dhe 6 plumba e reja, duke bërë që të humbin jetën në vend.
Mësohet se autori i vrasjes kishte parkuar makinën para hyrjes së pallatit dhe ka qëlluar me breshëri sapo ka parë shënjestrën.
Por viktima sapo ka parë çfarë e priste, është munduar të shpëtojë duke lëvizur me makinë por nuk ka mundur as të përshkojë disa metra e u përplas me tunelin e pallatit, e më pas plumbat i kanë marrë jetën.
Deri tani nuk ka asgjë lidhur me shkaqet dhe motivet e këtij krimi. Mesohet se makina e perdorur nga autori rezulton e vjedhur, pas verifikimeve te bera nga numri i saj i shasise.
NDIQE LIVE "PANORAMA TV" © Panorama.al
