Partia Socialiste ka prezantuar sot kandidatët për deputetë që do të kryesojnë listat e 25 prillit në 12 qarqe.
Ndryshe nga herët e tjera Edi Rama nuk do të jetë në krye të listës së kandidatëve të Vlorës, por ai ka bërë të ditur se nuk do të jetë në një vend të sigurte në listë. E njëjta gjë edhe për të drejtuesit e tjetër të PS-së, të cilët sipas Ramës do jenë në vende ku duhet të luftojnë për mandatin.
Kryesimin e listës së Vlorës Rama ia ka besuar Pranvera Resulajt emër i panjohur nga radhët e socialistëve, por sipas kryeministrit ajo ka shërbyer si ish-funksionare e administratës së Tatimeve dhe ka reputacion të mirë në zonë.
I vetmi nga “xhaketat e vjetra” që do të ketë një vend të sigurte është zv.kryeministri aktual, Erion Braçe i cili do të jetë kryesuesi I listës së kandidateve të Fierit.
Rama ka folur për objektivat e PS-së ku sipas tij synimi maksimal i PS është të fitojë 88 mandate, ndërkohë që minimali është të marrin 78 mandate.
LOGO DHE SLOGANI
Ndërkohë që gjatë konferencës ajo që ra në sy është fakti se Rama ka rikthyer logon e Partisë Socialiste, duke ‘zhdukur’ logon e dy mandateve të kaluara atë të “Rilindjes”.
Gjatë komunikimit të sotëm PS ka shpalosur dhe sloganin e katër viteve të ardhshme që do të jetë “Shqipëria e ardhmja jonë”, “S’ka kohë për pushim”.
KRYESUESIT E LISTAVE
Edona Bilali – Shkodër
Pranvera Resulaj- Vlorë
Greta Duraku- Kukës
Eni Zake- Korçë
Lavdrim Krashi – Dibër
Hatixhe Konomi- Berat
Najada Çomo/ Luljeta Bozo – Tiranë
Erion Braçe – Fier
Evis Kushi – Elbasan
Mirela Kumbaro – Gjirokastër
Bledi Çuçi- i dyti në Gjirokastër
