Shembjet me shpërthim të kontrolluar kanë ‘zbritur’ sot në lagjen muzeale të Beratit. Në orët e paradites IKMT ka hedhur përtokë me shpërthim të kontrolluar një objekt trekatësh, që shërbente si hotel.
Hotel “Palma” që ndodhej në lagjen muzeale Mangalem u vlerësua si objekt që prishte harmoninë muzeale të qytetit.
Ndërtesa është në pronësi të shtetasit K, B, 60 vjeç, me leje vetëm për dy kate, ndërsa kati i tretë u ngrit në vitin 2013 dhe ishte futur ne proces legalizimi.
