E enjtja që lamë pas ka qenë një ditë me surpriza sa i përket motit.
Ndonëse dita nisi me vranësira, por pa reshje, shpejt situatë ndryshoi, duke kapur shumëkënd të papërgatitur. E duket se mes atyre që e “pësuan” kanë qenë edhe deputetët.
Disa prej tyre kanë shkuar në seancë pa çadra, duke bërë që të nxitojnë hapat. Në këtë foto, të kapur nga paparaci ynë shihen dy deputetët e Partisë Demokratike që gati kanë vrapuar për t’u futur në ambientet e Parlamentit, për t’i shpëtuar shiut.
Ervin Salianji dhe deputeti i Durrësit, Ferdinand Xhaferaj, e kanë bërë së bashku rrugën deri te Kuvendi, por hapat e fundit kanë qenë disi më të shpejt për ta, duke qenë se ka nisur shiu dhe të dyve i është dashur të nxitojnë.
