Pas një mungese të gjatë, gati 4-vjeçare në Parlament, demokratët kanë vëmendjen dhe kuriozitetin e të gjithëve tashmë që janë rikthyer.
Nuk janë në ditët e tyre më të mira, pasi kanë humbur në këto zgjedhje parlamentare si dhe situata e krijuar nga konflikti Basha-Berisha, nuk i favorizon aspak brenda Partisë.
Pikërisht në këto momente ka një konfuzion brenda demokratëve, ndërkohë që puna në Parlament duhet të vijojë. Mirëpo, këtë situatë nuk e reflekton aspak njëri prej tyre, deputeti Ervin Salinjani, i cili u zgjodh së fundmi edhe nënkryetar i Partisë Demokratike.
Nga fotot e siguruara nga paparazzi ynë, Salinjani shihet gjithmonë i qetë, teksa në seanca të ndryshme parlamentare shoqërohet nga kolegë të ndryshëm.
Ndryshe nga çfarë ndodh në politikë, ku klanet janë diçka e zakonshme, me sa duket Salinjani bën të kundërtën, duke qëndruar pranë kolegëve të tij, me fokus misonin e rëndësishëm që kanë, si të zgjedhur të popullit.
Salinjani është një nga politikanët më aktivë, edhe pse eksperienca e tij nuk është aq e gjatë. Ai ka treguar se i pëlqen të punojë në terren, të jetë i lidhur me bazën dhe rezultatet që mori në këto zgjedhje, ishin fryt i punës së tij.
/Panoramaplus.al
