Gjatë seancës së sotme parlamentare, e cila në qendër të diskutimeve ka patur marrëveshjen me SHBA-të për narkotikët, protagonist është bërë edhe deputeti kontrovers i PS-së, Ben Blushi.
Dy ditë më parë ai refuzoi të votonte pro miratimit të Ligjit të Arsimit të Lartë, një ligj ky i debatuar dhe i kritikuar jashtëzakonisht shumë që kur u paraqit në formë drafti.
Por, ditën e sotme, Blushi është fotografuar duke qëndruar në anën e djathtë të Kuvendit, aty ku rrinë deputetët e PD-së.
Së bashku me të shihet edhe deputeti i LSI-së, Bujar Derveni, Gjovalin Kadeli, si edhe Kastriot Islami i PD-së, i cili disa javë më parë e këshillonte Blushin që të hapte një parti të re.
