Policia e Korçës deklaron arrestimin e Muhamet Gedajt me akuzën e kultivimit të bimëve narkotike dhe vjedhjes së energjisë elektrike.
58-vjeçari Gedaj thuhet se kultivonte bimëve narkotike në një ndërtesë në pronësi të tij në lagjen 18 në Korçë, pranë rrugës “1 Maji”.
“Nga kontrolli i ushtruar, në brendësi të kësaj ndërtese, u sekuestruan 66 rrënjë, bimë të dyshuara narkotike Cannabis Sattiva, me lartësi nga 10-100 cm. Të cilat ishin mbjellë, në një ambjent të posaçëm kontenieri, të përshtatur me ndriçim (llampa) dhe ngrohje artificiale, që shërbenin për kultivimin e bimëve narkotike”,-thuhet në njoftimin për mediat.
Policia e Korçës shton se nga kontrollit rezultoi se në ambientet e kontejnerit, Muhamet Gedaj kishte kryer edhe lidhje të paligjshme të energjisë elektrike, jashtë aparatit matës.
